Transport av halte dyr
Det er i utgangspunktet forbode å transportere dyr som er sjuke eller skadde, blant anna dyr som er halte.
Forskriftene gir likevel moglegheiter for å vurdere grada av skade/sjukdom. Dersom det blir vurdert at dyret er lettare skadd/sjukt, og at transporten ikkje vil føre til ytterlegare liding for dyret, kan det tillatast å transportere dyret levande. I tvilstilfelle skal ein veterinær vurdere dette.
Dette betyr at ein må vurdere kvart enkelt tilfelle for seg og ta omsyn til både dyret og transportforholda. Kanskje kan det vere forsvarleg å transportere enkelte dyr levande, mens det ikkje er forsvarleg for andre dyr.
Du kan lese meir på sida vår om dyretransport.
Regelverk
Forskrift om næringsmessig transport av dyr
Sjå heile forskrifta (lovdata.no)Kilde: Lovdata.no